#COVID19 பெருந்தொற்றை கட்டுபடுத்த அனைத்துக்கட்சி உறுப்பினர்களை கொண்ட ஆலோசனை குழு

தமிழ்நாட்டில்கொரோனா இரண்டாவது அலையை கட்டுபடுத்த தமிழக முதல்வர் மு.க.ஸ்டாலின் தலைமையில் அனைத்து சட்டமன்ற கட்சித்தலைவர்கள் கூட்டம் 13.05.2021 அன்று தலைமை செயலகத்தில் நடைபெற்றது. அக்கூட்டத்தில் நிறைவேற்றப்பட்டதீர்மானங்களில் ஒன்றாக பின்வரும் தீர்மானம் (தீர்மானம் 4) நிறைவேற்றப்பட்டது.

“நோய்த்தொற்று பரவலை கட்டுபடுத்தும் வழிமுறைகள் குறித்த ஆலோசனைகளை வழங்க, சட்டமன்ற கட்சிகளைச் சார்ந்த உறுப்பினர்களை கொண்ட ஒரு ஆலோசனை குழு அமைக்கலாம் என தீர்மானிக்கப்பட்டது”

மேலே குறிப்பிடப்பட்ட தீர்மானத்தின் அடிப்படையில் அனைத்து சட்டமன்ற கட்சிகளைச் சார்ந்த உறுப்பினர்களை கொண்ட ஒரு ஆலோசனை குழு முதல்வர் தலைமையில் அமைக்கப்படுகிறது.

இந்த ஆலோசனை குழுவானது அவசர அவசியம் கருதி நோய்த் தொற்றுப் பரவலைக் கட்டுபடுத்தும் வழிமுறைகள் குறித்து ஆலோசனைகள் பெற அவ்வபோது கூடி விவாதிக்கும். இக்குழுவிற்கு பொதுத்துறை செயலாளர் உறுப்பினர் செயலராக செயல்படுவார்.

இவ்வாறு தமிழக அரசு வெளியிட்ட செய்திகுறிப்பில் தெரிவிக்கப்பட்டுள்ளது.