கேபிள் டிவி நெட்வொர்க்கை ஒழுங்குபடுத்தும் விதிகளில் மாற்றம் கொண்டு வந்துள்ளது மத்திய அரசு

தகவல் மற்றும் ஒளிபரப்பு அமைச்சகம் கேபிள் டிவி நெட்வொர்க்குகளை ஒழுங்குபடுத்தும் விதிகளை சமீபத்தில் திருத்தியது. எந்தவொரு உள்ளடக்கத்தையும் ஒளிபரப்பியது தொடர்பாக குடிமக்கள் எழுப்பிய புகார்களுக்கு “சட்டரீதியான” அனுகலை இது வழங்குகிறது.

கேபிள் தொலைக்காட்சி நெட்வொர்க் விதிகளின் கீழ் தகவல் மற்றும் ஒளிபரப்பு அமைச்சகத்தால் வகுக்கப்பட்டுள்ள நிரல் மற்றும் விளம்பரக் குறியீட்டிற்கு இணங்காமல் தற்போது 900 க்கும் மேற்பட்ட தொலைக்காட்சி சேனல்கள் உள்ளன.

என்ன திருத்தம்?

கேபிள் தொலைக்காட்சி நெட்வொர்க்குகள் (திருத்தம்) விதிகள், 2021: மூன்று நிலை குறை தீர்க்கும் நெறிமுறையை வழங்குகிறது. ஒளிபரப்பாளர்களின் சுய கட்டுப்பாடு, ஒளிபரப்பாளர்களின் சுய ஒழுங்குபடுத்தும் அமைப்புகளால் சுய கட்டுப்பாடு மற்றும் மேற்பார்வை பொறிமுறையின் கீழ் அமைக்கப்பட்ட இடை-துறை குழ ஆகியவை ஆகும்.

ஒரு பார்வையாளர் நேரடியாக ஒளிபரப்பாளரிடம் புகார் அளிக்க முடியும், அதற்கு ஒளிபரப்பாளர் 15 நாட்களுக்குள் பதிலளிக்க வேண்டும். புகார்தாரர் பதிலில் திருப்தி அடையவில்லை என்றால், டிவி சேனல்களால் அமைக்கப்பட்ட சுய ஒழுங்குபடுத்தும் அமைப்புகளுக்கு புகாரை கொண்டு செல்ல முடியும், இங்கு வரும் புகாரை 60 நாட்களில் தீர்க்க வேண்டும்.

“சுய ஒழுங்குபடுத்தும் குழுவின் முடிவில் புகார்தாரர் திருப்தி அடையவில்லை என்றால், அவர் முடிவை பெற்ற 15 நாட்களுக்குள், மேற்பார்வை பொறிமுறையின் கீழ் மத்திய அரசிடம் பரிசீலிக்க வேண்டுகோள் விடுக்கலாம்” என்று திருத்தம் கூறுகிறது.

இத்தகைய முறையீடுகள் மேற்பார்வை பொறிமுறையின் கீழ் அமைக்கப்பட்ட இடை-துறை குழுவால் தீர்க்கப்படும். இந்த குழு தகவல் மற்றும் ஒளிபரப்பு அமைச்சின் கூடுதல் செயலாளரால் தலைமை தாங்கப்படும், மேலும் பெண்கள் மற்றும் குழந்தைகள் மேம்பாட்டு அமைச்சகம், உள்துறை அமைச்சகம், மின்னணு மற்றும் தகவல் தொழில்நுட்ப அமைச்சகம், வெளிவிவகார அமைச்சகம், பாதுகாப்பு அமைச்சகம், மற்றும் அரசு தீர்மானிக்கக்கூடிய வல்லுநர்கள் உட்பட பிற அமைச்சகங்கள் மற்றும் அமைப்புகளின் பிரதிநிதிகள் இடம் பெறுவர்.

இந்த மூன்று அடுக்கு முறையீடுகளைக் கடந்து வரும் புகார்கள் மட்டுமல்லாமல், நேரடியாக அரசுக்கு வரும் புகார்களையும் எடுத்துக் கொள்ளலாம்.

தற்போது உள்ள விதிகளின் கீழ் நிரல் / விளம்பர குறியீடுகளை மீறுவது தொடர்பான குடிமக்களின் குறைகளை நிவர்த்தி செய்ய ஒரு இடைமட்ட குழு உள்ளது. ஆனால் அதற்கு சட்டரீதியான ஆதரவு இல்லை.

புகார்களை ஆராய்ந்த பின்னர், இடை-துறை குழு அரசுக்கு, ஒளிபரப்பாளரை அறிவுறுத்துவதற்கும், எச்சரிக்கை செய்வதற்கும், தணிக்கை செய்வதற்கும், அறிவுறுத்துவதற்கும் அல்லது கண்டிப்பதற்கும் அல்லது மன்னிப்பு கோருவதற்கும் பரிந்துரைக்கலாம்.

இது ஒரு எச்சரிக்கை அட்டை அல்லது மறுப்பு சேர்க்க, அல்லது உள்ளடக்கத்தை நீக்க அல்லது மாற்றியமைக்க, அல்லது ஒரு குறிப்பிட்ட காலத்திற்கு புகார் செய்யப்பட்ட நிகழ்ச்சியை ஒளிபரப்புவதை நிறுத்தும்படி ஒளிபரப்பாளரிடம் கேட்பதற்கான வாய்ப்புகளை வழங்குகிறது.