BATTLEGROUNDS மொபைல் இந்தியா ரசிகர்கள் ஜூன் 17 வியாழக்கிழமை வெளியிடப்பட்ட விளையாட்டின் பீட்டா பதிப்பை முழுமையாக அனுபவித்து விளையாடி வருகின்றனர். விளையாட்டு அதிகாரப்பூர்வமாக தொடங்கப்படவில்லை என்றாலும், PUBG மொபைல் இந்தியா ரசிகர்கள் ஏற்கனவே Android சாதனங்களுக்கான APK, OBB போன்ற இணைப்புகளைப் பயன்படுத்தி விளையாட்டை பதிவிறக்கம் செய்து விளையாடி வருகின்றனர்.
இந்திய ரசிகர்களிடையே பெரும் புகழும் வரவேற்பையும் பெற்றிருந்தாலும், பல சர்ச்சைகள் இன்னும் இந்த விளையாட்டைச் சுற்றி வருகின்றன. இந்தியாவில் பல குழுக்கள் இந்த விளையாட்டிற்கு தடை கோரி வருவதால் இன்னும் சில நாட்களுக்கு BATTLEGROUNDS மொபைல் இந்தியாவை வெளியிட கிராப்டன் தயாராக இல்லை.
தகவல் தொழில்நுட்பச் சட்டத்தின் பிரிவு 69A இன் கீழ் 2020 செப்டம்பரில் இந்தியாவில் PUBG மொபைல் தடைசெய்யப்பட்டது. இப்போது அகில இந்திய வர்த்தகர்களின் கூட்டமைப்பு (CAIT) மத்திய தகவல் தொழில்நுட்ப மற்றும் தகவல் தொடர்பு அமைச்சர் ரவிசங்கர் பிரசாத்துக்கு ஒரு கடிதத்தை எழுதியுள்ளது. இது “இந்தியாவின் இறையாண்மை மற்றும் பாதுகாப்புக்கு அச்சுறுத்தல் மட்டுமல்ல, இளம் தலைமுறையினருக்கும் தீங்கு விளைவிக்கும்” என்று CAIT கூறியுள்ளது.
BATTLEGROUNDS மொபைல் இந்தியா டெவலப்பர்கள் கூகிள் பிளே ஸ்டோரை அதன் தளமாக பயன்படுத்த அனுமதிக்க வேண்டாம் என்று CAIT கூகிளைக் கேட்டுக்கொண்டது. “இந்திய விளையாட்டாக சந்தைப்படுத்தப்பட்டாலும், இந்திய பயனர்களுக்காக மட்டுமே தயாரிக்கப்பட்டாலும், தரவு சிங்கப்பூர் மற்றும் பிற நாடுகளுக்கு மாற்றப்படும் என்றும், இந்தியர்கள் அல்லாதவர்கள் பயனர்களுக்கு ஆளும் சட்டமாக பொருந்தும் என்றும் எங்களுக்குத் தெரிவிக்கப்பட்டுள்ளது. பயன்பாட்டில் பெரும்பாலான அம்சங்கள் தடைசெய்யப்பட்ட பதிப்பிலிருந்தவை என்று CAIT தனது கடிதத்தில் தெரிவித்துள்ளது.
இந்த அறிக்கைக்கு பதிலளிக்கும் வகையில், BATTLEGROUNDS மொபைல் இந்தியா தனது அதிகாரப்பூர்வ இணையதளத்தில் ஜூன் 22, 2021 அன்று கூறியது, “கிராஃப்டன், BATTLEGROUNDS மொபைல் இந்தியாவினை உருவாக்கியவரும், பிளாக்பஸ்டர் IP – PLAYERUNKNOWN’S BATTLEGROUNDS உரிமையாளரும் இந்தியாவின் சட்டங்கள் மற்றும் ஒழுங்குமுறைகளுடன் முழுமையாக இணங்குவதற்காக செயல்பட்டு வருகிறார்கள். இது விரைவில் BATTLEGROUNDS MOBILE INDIA இன் அதிகாரப்பூர்வ அறிமுகத்திற்கு வழிவகுக்கும்”. இவ்வாறு அதில் கூறியுள்ளது.
மேலும் அந்த அறிக்கையில், கிராப்டன் மற்ற மொபைல் கேம்கள் மற்றும் பயன்பாடுகளைப் போலவே, BATTLEGROUNDS மொபைல் இந்தியாவும் தனித்துவமான விளையாட்டு அம்சங்களை வழங்க மூன்றாம் தரப்பை பயன்படுத்துகிறது என்று கூறியுள்ளார். இருப்பினும், தனியுரிமைக் கொள்கையை மீறும் தரவு எதுவும் பகிரப்படவில்லை என்பதையும், மூன்றாம் தரப்பினருடன் பகிரப்பட்ட தரவு விளையாட்டின் அம்சங்களை இயக்குவதற்கு (to enable the features) மட்டுமே என்றும் கூறியுள்ளது.
